Еден од најдобрите скијачи во историјата се враќа на патеката, но ќе ги брани боите на друга држава
Eден од најдобрите скијачи во историјата, Марсел Хиршер одлучи на 36 години да се врати на Светскиот куп.
Во кариерата Хиршер осум пати го освои Големиот кристален глобус и се пензионираше во 2019 година. Меѓутоа она што е интересно, сега тој нема да се натпреварува под знамето на Австрија, туку под холандското.
Хиршер сака да настапи за Холандија и на тој начин да исполни голема желба на неговата мајка која е од таа земја. Правилата на Светската скијачка федерација налагаат дека скијачот може да го смени спортското државјанство пред почетокот на новата сезона, тоа е официјално од 1. јули.
Низ кариерата Хиршер освен осумте последователни титули во Светскиот Куп од 2012 до 2019 година, освои уште три олимписки медали (две златни), 11 светски медали и забележа вкупно 67 победи во Светскиот куп.
