Адеми: „ВРЕДИ“ може да се распадне ако влезе во Влада
Политичкиот аналитичар Висар Адеми во интервју за „Слободен печат“ порача дека коалицијата „ВРЕДИ“ може да се распадне ако влезе во Владата.
-Ќе биде интересно како ќе се распределат функциите особено во вториот и третиот ешалон. Ако влезат во власта „ВРЕДИ“може да се растури како коалиција, рече Адеми.
Тој смета дека ДУИ е длабоко инсталиран во државните институции.
„ДУИ не се веќе лошите момчиња од планина, тие се 22 години на власт кои имаат изградени капацитети, во јавната администрација и нив не можеш да ги избегнеш затоа што тие имаат од помлад соработник до безбедносните служби и по вертикала има луѓе кои и со ВМРО-ДПМНЕ и СДСМ ја воделе оваа држава“ вели Адеми.
Во однос на економската перспектива на државата со новата власт на ВМРО-ДПМНЕ, Адеми вели:
„Од она што го слушан мислам дека немаат јасна економска реформска и евроинтеграциска перспектива. Ако велат ќе чекаат да се подобри животниот стандард па ќе ги убедуваат нашите партнери од ЕУ да имаат подобар однос кон нас за тоа треба време. И тоа најблаго кажано ти требаат два мандата за грашанонот да го осети тој животен стандард за да можеш да убедиш некого дека можеш и сам. Ние без ЕУ без структурни фондови без помош од таму, било тоа регулаторна помош, таму некоја трета рака која не набљудува и ни кажува тука сте згрешиле, а тука е добро, ние не сме покажале, не сме дале пример дека можеме сами да одиме, посебно во една ваква ранлива демократија, со ваков диверзитет ние покажавме дека не знаеме сами да се справиме со тие стратешки проблеми. Ако се откажат од ЕУ ќе го немаат тој регулатор затоа што тврдиш дека сам ќе можеш да ги направиш реформитеоа, второ ќе немаш фондови, ќе секнат фондовите, трето нема да имаш поддршка од европски партии. Ќе те изземат од билатералните средби и така ти ја губиш таа компаративна предност што си ја имал со Косово со Албанија со Србија, ако си ја имал од 2004 наваму, вели Адеми.
Во однос на идеите за поврзување со БРИКС Висар Адеми смета дека ако имаат такви агенди ако БРИКС тоа е многу далеку од нас. Македонија е на Балканот во срцето на Европа и секаква друга унија е небулоза.
Целото интервју погледнете го во продолжение: