Жена, самопрогласен номад, живее сама на оддалечен остров во Британска Колумбија во последните две години, откако добила работа како управничка и негувателка.

Во текот на летните месеци, сопствениците на островот го посетуваат во траење од 4 до 8 недели, но инаку, единственото друштво на островот е нејзиното куче Пичис и локалниот див свет, „мечки, пуми, волци, многу елени и грбави китови“. Што се однесува до тоа како завршила на островот, Аманда изјавила дека доживеала исцрпеност бидејќи своите дваесетти ги поминала во центарот на Ванкувер и купила голем брод во обид да побегне од градскиот живот. Живеела на својата едрилица околу 10 години во Ванкувер, но бидејќи нејзиното куче Батеркап стареело, одлучила да се врати назад на копното. Што се однесува до сместувањето, Аманда живее во мала кабина на островот која „веројатно била изградена пред околу 25 години“.

Аманда го открива неконвенционалниот начин на живот надвор од Интернетот

    „Убаво е и удобно, едноставно ми е совршено. Има убава мала кујна и мал простор за јадење … и две спални соби. Кабината    100% се загрева со помош на печка на дрва која овој простор го одржува убав и здрав во зима.” – кажа таа.

Покрај кабината на Аманда, тука има уште една, која се издава во лето, а има и имот во кој престојуваат сопствениците на островот кога ќе го посетат. На островот има брод како би можела да стигне до градот за да „го посети докторот или да набави намирници“. За да го дополни својот приход, Аманда работи како фриленс веб-дизајнер. Островот има сателитски интернет за да може да се поврзе со надворешниот свет. За да можат нејзините пријатели да бидат во тек со лудориите на оваа жена, таа одлучила да отвори „YouTube“ и „TikTok“ профили.

Текстот е изработен од страна на средношколци практиканти од СОУ Коле Нехтенин – Штип, како дел од соработка меѓу ГОЦЕ.МК и средните училишта.

Автори: Антониа Симјоновска и Меланија Панева