75-години спортски автомобили: Porsche ја слави успешната приказна со Porsche Vision 357 / ФОТО
Во 1948 година, Фери Порше го остварил својот сон за спортски автомобил: со својот тим го произведува Porsche 356 Roadster „No. 1″, модел кој го означува раѓањето на легендарниот бренд и поставување на темелите за успешна приказна која служи како пример за легендата на Porsche
Токму оваа година, производителот на спортски автомобили ја одбележува 75-годишнината од тој настан со прослави низ целиот свет и со специјален концепт модел Porsche Vision 357 како омаж на оригиналниот модел 356.
Како што е наведено, концептот Vision 357 е модерна интерпретација на Porsche 356 (произведен во околу 78.000 примероци) кој продолжува да биде извор на инспирација години подоцна.
Vision 357 е базиран на Porsche 718 Cayman GT4 RS, вклучувајќи го и неговиот 4.0-литарски 6-цилиндерски мотор со 500 КС.
„Создадовме многу посебен роденденски подарок во форма на Vision 357, кој го користи 356 како основа за да ја нагласи важноста на нашата дизајнерска ДНК“, вели Мајкл Мауер, потпретседател на Porsche стајлинг. „Концептниот автомобил е обид да се комбинира минатото, сегашноста и иднината со кохерентност, со пропорции кои потсетуваат на неговиот историски архетип и детали кои ги визуелизираат изгледите за иднината“, посочува Мауер.
Заедно со ретро елементите, Porsche обезбедил и многу модерни детали за концептот Vision 357. Отворачите на вратите се скриени покрај страничните стакла, фаровите имаат модерен Porsche светлосен печат, а тука се и 20-инчните магнезиумски тркала.
Возилото е во обоено со Ice Grey металик боја која ги покрива повеќето автомобили и со Grivola Grey метален преден браник. Големите налепници „75“ се наоѓаат на вратите и хаубата, додека суптилните налепници „357“ се наоѓаат на предните и задните браници.
Porsche овој автомобил ќе го прикаже на посебна изложба во Берлин по повод одбележувањето на големиот јубилеј. Изложбата Driven by Dreams се отвора на 27 јануари и ќе трае до средината на февруари, а Porsche планира да го претстави концептот и на други меѓународни настани во текот на годината.
