Развиван е пет години: Запознајте го Entop Mada-9, првиот суперавтомобил од Авганистан / ВИДЕО
Најважно од се е тоа дека ова не е само уште еден рендер на една компанија полна со надеж дека еден ден ќе изгради конкурентен автомобил
Ако може да се верува во целата приказна, Mada-9 е првиот суперавтомобил од Авганистан. Всушност, се вели дека е толку добар што ќе оди рамо до рамо со Bugatti.
Најважно од се е тоа дека ова не е само уште еден рендер на една компанија полна со надеж дека еден ден ќе изгради конкурентен автомобил. Mada-9 е физичко возило кое може да се движи со сопствен погон како што покажува видеото. Ова веќе го одвојува од проекти како што се Ares S1 и SP Automotive Chaos.
Освен тој факт, се чини дека сепак не е блиску до производство. Неколку кратки видеа од автомобилот покажуваат луѓе кои го опкружуваат и разговараат за него, но само едно всушност покажува како се вози. Дури и тогаш се движи со многу бавна брзина со звук на бензински мотор во позадина.
За разлика од некои од прототипите споменати погоре, Mada-9 нема ниту една техничка спецификација што би можеле да ја најдеме некаде. Според бројни извори, Mada-9 е креација на брендот ENTOP. Извршниот директор Мухамед Раза Ахмади тврди дека автомобилот е во развој веќе пет години и ќе биде готов за само две недели.
Тој ова го има кажано ова уште во ноември и допрва треба да се добиат информации за спецификациите, цените, компонентите на погонот или податоците за перформансите. Гласините укажуваат дека Mada-9 се одликува со „лесни композитни материјали, шасија со цевкаста рамка и компоненти за суспензија со потисни шипки“.
Видеото објавено на YouTube на 31 декември 2022 година ја покажуваат шасијата на автомобилот и летаргичен 4-цилиндерски мотор на Toyota. Треба да се напомене дека многу производители на суперавтомобили ги ставаат своите имиња на рендери и прототипи со надеж дека некој ќе им плати доволно за да изградат само еден или два функционални примероци.
Според сето она што се гледа овде, се чини дека Mada-9 не е нешто што ќе стигне до целосно производство, особено ако се земе предвид моменталната состојба на земјата. Сепак, би сакале да бидеме демантирани. Надреални се видеата од прототипот на патот додека паѓа снег и групата луѓе собрана околу првиот авганистански суперавтомобил…