Францускиот фудбалски клуб Пари Сен Жермен ја одреди замената за Килијан Мбапе, а тоа е младиот 17-годишен играч на Барселона, Ламин Јамал.

Оваа вест денеска ја објави весникот „Ла Паризиен“ кој тврди дека ПСЖ е подготвен да испрати понуда вредна дури 200 милиони евра за потписот на големиот фудбалски талент.

Тренерот на Барса, Луис Енрике е воодушевен од талентот и квалитетите кои ги поседува Јамал ​​и верува дека е вистинско засилување кога Килијан Мбапе ќе си замине на лето.

Луис Енрике после реваншот со Барса: Чекаме господинот Мбапе да се огласи

Јамал ​​е дете на Барселона и сака да остане во клубот, но ПСЖ ќе стапи во контакт со неговите агенти.

Очигледно, доколку Јамал ​​даде зелено светло, ПСЖ ќе испрати и официјална понуда на адреса на каталонскиот гигант.

Воедно, оваа вест веднаш ја прокоментира и новинарот Тони Хуанмарти, кој тврди дека Јамал ​​воопшто не размислува за заминување и дека сака да потпише нов договор, кој и формално ќе биде потврден на лето.