Министерот за економија и труд Бесар Дурмиши ја потпишал, а потоа и ја објавил владината одлука за законско усогласување на минималната плата, за  да не се предизвика блокада во исплатата на платите во државата. Вели  тоа го сторил со оглед дека нема согласност од Економско-социјалниот совет, како што налага законот. 

Според Дурмиши  секој има право на протест но  дека Економско-социјалниот совет е вистинското место за синдикалните барања. Ако се постигне поинаков договор, вели  Владата е подготвена да го поддржи но избегна да одговори дали усогласувањето од 1.800 денари е доволно за достоинствен живот на работниците. 

Владејачката ВМРО ДПМНЕ со критики до синдикалците. Велат нивните игри со енормно високи примања, се прочитани, а зад нив стои опозициската СДСМ. 

Првиот опозиционер Филипче вели СДСМ не стои зад протестите на синдикатите, но ги подржува барањата на работниците. 

За прв пат од носењето на законот за минимална плата оваа влада реши сумата да ја одреди без согласност на социјалните партнери, односно синдикатот и работодавачите.