Половните автомобили најскапи во историјата: Така ќе остане, трендовите не се добри!
Доколку продолжи нагорниот тренд, просечната цена на половните автомобили на крајот на годината на европскиот пазар ќе надмине 25.000 евра
Според онлајн трговецот и брокер AutoScout24, користени автомобили во ноември се продавале во просек за 24.772 евра. Ова е за речиси 12 отсто повеќе од пред една година и највисоко од кога се изготвува статистиката.
Побарувачката за половни автомобили е многу поголема од понудата. Автомобилскиот сектор се соочува со криза по криза. Пред две години, фабриките беа затворени поради корона вирусот. Потоа следеше недостиг на чипови ширум светот, кој продолжува да го мачи автомобилскиот сектор, проследен со недостиг на жици за возила, кои се произведуваат во Украина. Во меѓувреме, побарувачката се зголеми. Некои нови автомобили сега имаат рок на испорака од една година, што ги прави користените автомобили многу попривлечни. Како што објавува AutoScout24, ситуацијата на пазарот полека се подобрува, иако цените се уште растат. Доколку продолжи нагорниот тренд, просечната цена на половните автомобили на крајот на годината на европскиот пазар ќе надмине 25.000 евра. Првите информации од Австрија и Германија велат дека оваа граница е веќе пробиена.