Новак Ѓоковиќ денеска го изненади тенискиот свет со објавата за разделбата со тренерот Горан Иванишевиќ.

Ѓоковиќ одлично соработуваше со Иванишевиќ кој во неговиот тим се придружи во 2019 година во првата недела од Вимблдон. Хрватскиот стратег имаше големо влијание во подбрувањето на сервисот на српскиот тенисер, а со него Новак освои 12 грен-слем турнири.

„Јасно се сеќавам на моментот кога го поканив Горан да биде дел од мојот тим. Тоа беше во 2018 година, кога со Маријан (Вајда) сакавме да донесеме некоја ‘сервисна магија’ на нашето дуо. И, не донесовме само сервис, туку и многу смеа, забава, прво место на крајот на годината, многу рекорди и уште 12 грендслем-титули. Со Горан пред неколку дена решивме да ја прекинеме соработката. Нашата хемија на теренот имаше подеми и падови, но нашето пријателство секогаш беше силно. Шефињо, ти благодарам за се мој пријателе, те сакам“, гласеше објавата на Ѓоковиќ.

За разлика од него Иванишевиќ без текст само ја сподели објавата на Новак додавајќи два емотикони.