„Превртено”

Сите знаеме дека во одреден момент динамиката во нашите семејства ќе се смени и младите ќе мора да почнат да се грижат за постарите. Но, краткиот филм „Превртено”(Flipped) на Хенд Исмат и Ламиа Диаб ја предлага оваа промена многу порано од очекуваното, наоѓајќи хумор во промената на односите родител-дете во раните фази од животот.

Користејќи рачно нацртан, речиси детски стил на анимација и подредување на серијата вињети кои покриваат еден ден од животот на повеќето семејства, краткиот филм на Исмат и Диаб е комичен поглед на семејниот живот со извонреден пресврт.

Всушност, овој анимиран филм го истражува апсурдниот свет каде улогите на децата и возрасните се менуваат. Како би изгледале интеракциите и динамиката на односите во таков свет, како би се однесувале кон концептот на зрелост, како би изгледало родителството?

Приказната следи ден полн со бизарно обратни интеракции, разоткривајќи ја динамиката на оваа врска, обработувајќи теми за зрелоста и родителството на комичен начин.

                Извор: https://directorsnotes.com