Дербито на 34. коло во Серија А меѓу Јувентус и Милан заврши без победник, но и без голови (0-0). Ова сценарио најмногу му одговара на „росонерите“ кои останаа на второто место на табелата со 70 бодови, пет повеќе од „Старата Дама“.
По многу слабото прво полувреме, вториот дел започна со одлична шанса за Јувентус. Најпрвин ударот на Костиќ го одбрани голманот Милан Спортиело, додека Данило потоа ја погоди стативата.
До крајот Јувентус имаше поголем број подобри шанси, а за издвојување е шансата на Рабиот кој во 86. минута не успеа да шутира од два метри за три бода на својот тим. Милан во текот на целиот натпревар не упати ниту еден удар во рамката од голот на противникот.
