• Иван Димовски
Бостон Селтикс славеа на гостувањето кај Мемфис Гризлис (117-103) во НБА лигата.
Со тоа, првпат во својата историја Селтикси имаат низа од шест гостувања без пораз. Тие со победите над Јута, Портланд, Сакраменто, Феникс, Сан Антонио и Мемфис го надминаа претходниот рекорд поставен во февруари 1973 година.
Покрај тоа, Бостон го израмни и рекордот за гостински победи во една сезона - досега се 32. Ист таков учинок во историјата на франшизата имаше во сезоните 1972/73 и 1974/75.
Во овој параметар најубедлив е Голден Стејт со 34 гостински победи во сезоната 2015/16, а втор е Чикаго Булс со 33 во сезоната 1995/96. Селтикси имаат шанса само да се израмнат со лидерот во оваа статистика, бидејќи до крајот на регуларната сезона гостуваат само уште кај Њујорк и Орландо.
