Семејството Трамп е подготвено да започне проект насочен кон рударење биткоини со „Хат 8“ (Hut 8 Corp), во нов обид за ширење на влијанието во светот на криптовалутите.
„Хат 8“ основа нова компанија, АБЦ (American Bitcoin Corp), која е фокусирана исклучиво на рударење биткоини и „стратегиски развој на резерви од биткоини“, соопшти фирмата со седиште во Мајами во понеделникот.
Доналд Трамп за време на претседателската кампања вети дека ќе воспостави стратегиска резерва од биткоини, како и дека сите биткоини ќе бидат произведени во САД.
Прочитај повеќе
Како етерот стана едно од најголемите разочарувања во криптосветот
Втората по големина криптовалута повеќе не претставува закана за биткоинот.
20.03.2025
Златото расте, a биткоинот не. Зошто, ако се смета за дигитално злато?
Биткоинот достигна врв од 109.000 долари на 20 јануари, но оттогаш падна под 80.000 долари, а најголемата криптовалута сега се тргува со 82.500 долари за биткоин, 24 отсто под својот врв.
19.03.2025
Како ќе функционира државната резерва од биткоини во САД?
Со извршна наредба од 6 март, претседателот Доналд Трамп создаде стратегиска резерва од биткоини, ефективно зацврстувајќи ја легитимноста на биткоинот како финансиски инструмент.
12.03.2025
Крипто: Стратегиските резерви на САД потврдени, но цените паѓаат. Зошто?
Што се случува на криптопазарот?
11.03.2025
„Блекрок“: Нема доволно биткоини дури и за милионерите!
„Блекрок“ (BlackRock) пишува за инвестирање во биткоини.
06.03.2025
Трамп откри кои три криптовалути ќе бидат дел од Федералните резерви
Доналд Трамп вчера објави дека криптовалутите XRP, солана и кардано ќе бидат вклучени во формирањето на американската стратегиска федерална резерва за криптовалути.
03.03.2025
Трамп некогаш беше скептик во врска со дигиталните средства, но стана поотворен откако претставници на индустријата почнаа да донираат пари за неговата претседателска кампања.
Одлуката за влез во рударење биткоини се случува по купувањето на мнозинскиот удел во компанијата АДЦ (American Data Centers Inc.) од страна на „Хат 8“, компанија формирана од група инвеститори, вклучувајќи ги и Ерик Трамп и Доналд Трамп Јуниор.
АДЦ по таа трансакција беше преименувана во АБЦ, соопшти „Хат 8“.
Претходните претседателски походи кон криптовалутите вклучуваат издавање колекции на незаменливи токени (НФТ) и дигитални колекционерски предмети со неговиот лик.
Трамп со своите синови исто така го поддржа проектот за децентрализирани финансии ВЛФ (World Liberty Financial). Минатата недела ВЛФ најави лансирање стабилен токен.
Американскиот претседател минатиот месец потпиша извршна наредба за создавање стратегиска резерва од биткоини, како и посебни резерви од друг дигитален имот.
Иако Трамп со тоа го исполни ветувањето дадено за време на кампањата, претставниците на индустријата не се задоволни.
„Хат 8“ ја пренесе речиси целата своја опрема за рударење на новиот американски биткоин-ентитет во замена за 80 проценти удел во тој бизнис, се наведува во соопштението.
Ерик Трамп ќе дејствува како главен стратегиски директор на АБЦ.
Како што биткоинот се зголеми повеќе од двојно минатата година, приходот на „Хат 8“ скокна за речиси 70 проценти и изнесува 162 милиони долари, со нето-приход од околу 331 милион долари. Се предвидува дека приходите ќе опаднат во првиот квартал, а аналитичарите очекуваат загуби.
Акциите на „Хат 8“ пораснаа за околу 4,3 проценти во 10.17 часот на њујоршката берза. Од почетокот на годината паднаа за 40 проценти.
Доналд Трамп се обврза на рударење во објава на својот профил на платформата Трут (Truth Social) во јуни, по состанокот во Мар-а-Лаго со група раководители на компании за крипторударење.
Секторот за рударење биткоини во САД вреди повеќе милијарди долари. Во текот на последните неколку години вредноста му се зголеми вртоглаво.
На крајот на минатата година вкупната компјутерска сила произведена со рударење во Америка беше помала од 50 проценти.
.webp){kind=icon}
