Координаторот на Советот за национална безбедност за стратешки комуникации, Џон Кирби, вели дека договорот пред Хамас е добар и тие треба веднаш треба да го прифатат бидејќи „времето е од суштинско значење“.

„Мислам дека докажавме дека сме подготвени да продолжиме да работиме на тоа, дури и кога ситуацијата на терен не оди онака како што би сакале, иако има коментари дадени од официјални лица во регионот дека тоа се чинеше дека фрли ладна вода за шансите да продолжиме да работиме на тоа и тоа е пристапот што го преземаме во моментов“, рече Кирби.

Коментарите на Кирби доаѓаат услови кога израелскиот премиер Бенјамин Нетанјаху најави дека ќе изврши упад во градот Рафах во јужниот дел на Газа, каде што стотици илјади Палестинци се засолнети од речиси 7-месечната војна.

Коментарите на Нетанјаху дојдоа неколку часа пред американскиот државен секретар Антони Блинкен да пристигне во Израел за да ги помести разговорите за примирје од мртва точка, што пак се чини дека е една од најсериозните рунди на преговори меѓу Израел и Хамас од почетокот на војната.

Договорот има за цел да ги ослободи заложниците, да донесе одредено олеснување за населението и да спречи израелска офанзива во Рафах и потенцијална штета за цивилите таму.

Тековниот договор за кој се разговара, со посредство на САД, Египет и Катар, ќе овозможи ослободување на десетици заложници во замена за шестнеделен прекин на борбите како дел од почетната фаза. Ќе бидат ослободени и стотици палестински затвореници кои ги држи Израел, вклучително и некои кои отслужуваат долги казни.

Блинкен, кој се состана со регионалните лидери во Саудиска Арабија и Јордан пред да слета во Тел Авив, го повика Хамас да го прифати последниот предлог, нарекувајќи го „исклучително дарежлив“.