Сè почесто се зборува дека пејачката Бритни Спирс требалa да остане под старателство поради стравувањата за нејзиното ментално здравје. Иако нејзиниот татко, Џејми Спирс, несомнено бил груб во првичниoт договор, луѓето блиски до пејачката рекле дека Бритни има сериозни психички проблеми, а како што пренесува „Пејџ сикс“, таа се свртела и кон пиење и дрога.

Ваквите заклучоци сè повеќе доаѓаат во јавноста, а главната причина е однесувањето на познатата пејачка. Бритни неодамна беше фотографирана пред холивудскиот замок Мармонт. Ѕвездата изгледаше вознемирено, а сето тоа се случи само неколку часа откако беше финализиран нејзиниот развод со третиот сопруг Сем Асгари.

Двојката беше во брак една година, а новите фотографии и вратија непријатни спомени од претходните „снимки“ на Бритни пред камерите во 2007 и 2008 година. Еден извор изрази загриженост дека Бритни се свртела кон некој вид на злоупотреба на супстанции. „Мразам да го кажам тоа, но начинот на кој се одвива ова – од тоа се плашевме“, коментира изворот.

Пејачката го напушти хотелот боса, носејќи перница и завиткана во ќебе. Медиумите објавија дека таа се скарала со нејзиното момче Пол Ричард Солиз, по што била повикана полиција. За потсетување, Солиз има долга криминална историја која вклучува обвиненија за нарушување на мирот, загрозување на дете, возење без возачка дозвола, а пред четири години беше уапсен за поседување огнено оружје и недозволено поседување муниција. Солиз беше осуден на две години условна казна и одлежа 90 дена затвор.

Тринаесетгодишното старателство на Бритни беше прекинато во ноември 2021 година по бесот на јавноста поради нејзиниот третман. Извор, кој е запознаен со судскиот случај и онлајн кампањата, изјави дека приказната за заклучувањето на Бритни без добра причина отсекогаш била лажна и дека нејзиниот татко тоа не го правел чисто од злоба и профит.

„Нема сомнеж дека Џејми Спирс е лош татко и начинот на кој Бритни беше испратена на работа во Вегас беше ужасен. Тоа не требаше да се случи. Сепак, исто така, нема сомнеж дека старателството и интервенциите што му претходеа се случија со причина, но не затоа што нејзиниот татко сакал да заработи куп пари.  Воведено беше бидејќи Бритни има сериозни ментални проблеми и потполно скршна од патот“, објаснил изворот.

Изворот исто така истакна дека судијката Бренда Пени никогаш не ја оценувала Бритни кога го завршила старателството.

„Светот ќе види каква е Бритни кога ќе биде оставена сама на себе, а тоа не е добро“, заклучил изворот.

<blockquote class=”twitter-tweet”><p lang=”en” dir=”ltr”>UPDATE: Paramedics were called because Britney Spears injured her leg, not because she was having a breakdown. <a href=”https://twitter.com/hashtag/JusticeForBritney?src=hash&amp;ref_src=twsrc%5Etfw”>#JusticeForBritney</a> <a href=”https://t.co/YcmNFVGWbP”>pic.twitter.com/YcmNFVGWbP</a></p>&mdash; Britney Stan 🌹 (@BritneyTheStan) <a href=”https://twitter.com/BritneyTheStan/status/1786115257238184367?ref_src=twsrc%5Etfw”>May 2, 2024</a></blockquote> <script async src=”https://platform.twitter.com/widgets.js” charset=”utf-8″></script>

ФОТО | Интервенирала и Брзата помош: Жестока расправија меѓу Бритни Спирс и контроверзниот партнер