На северната хемисфера денес, значи не на 21 декември, започнува зимата и тоа во секој поглед. За оние што сакаат да бидат попрецизни, точниот момент на солстициумот беше во 4:27 часот по македонско време. Еве што тоа значи.
Зимскиот солистициум за 2023 година на северната хемисфера, бидејќи на јужната хемисфера е летниот солистициум, паѓа на 22 декември во 4 часот и 27 минути по македонско време. Токму во овој момент, оската на Земјата е навалена за приближно 23 степени и 27 минути во однос на еклиптиката, рамнината во која Земјата орбитира околу Сонцето. Ова значи дека Сонцето ја достигнува својата најниска привидна позиција на небото во текот на годината.
Поради наклонот на Земјината оска, денот на зимскиот солистициум е најкраток во годината на северната хемисфера, а ноќта е најдолга. Така денес сонцето изгреа во 6 часот и 59 минути а ќе зајде во 16 часот и 6 минути (заб. податоци за Скопје, Македонија). Ова значи дека денот на зимската краткоденица во Македонија ќе трае само 9 часа и 7 минути, додека ноќта ќе трае 14 часа и 53 минути (со одредени варијации од град до град).
Со векови многу од религиозните празници и ритуали биле поврзани со зимскиот солистициум. Зимската краткоденица е мошне важен настан во многу култури. Во минатото често се поврзувала со верски празници и ритуали. На пример, во многу пагански култури, зимскиот солистициум го означува почетокот на новата година.
Еве неколку интересни работи поврзани за зимската краткоденица што можеби не сте ги знаеле:
• Зимскиот солистициум не е секогаш на 21 декември, како што нè учеа на училиште пред многу години. Всушност, тој може да падне помеѓу 20 и 23 декември. Ова се случува затоа што сончевата година, којашто се заснова на движењето на Земјата околу Сонцето, е малку подолга од сидеричката односно ѕвездената година, која се заснова на ротацијата на Земјата околу нејзината оска.
• Зимската краткоденица е единствениот ден во годината кога Сонцето изгрева точно на исток, а заоѓа точно на запад.
• Во некои култури, зимскиот солистициум е поврзан со фигура на божеството на смртта и обновувањето. Во Египет, на пример, зимската краткоденица била поврзана со Озирис, богот на смртта и повторното раѓање.
• Во некои култури, зимскиот солистициум е време на гозби и славје. Во Германија, на пример, на овој ден се слави Јуле (Yule), пагански празник кој го означува почетокот на новата година.