Почина легендарниот фудбалер Франц Бекенбауер

Германскиот легендарен фудбалер Франц Бекенбауер, кој се смета за еден од најдобрите фудбалери на сите времиња, почина на 78 години. Тој го освои Светското првенство како капитен на Западна Германија во 1974, а повторно го крена трофејот како тренер во 1990.

Поранешниот дефанзивец, исто така, 582 пати играше за Баерн Минхен, повторно освојувајќи го германскиот врв и како играч и како менаџер. Наречен Дер Кајзер (Кралот), како играч го освои и Европското првенство во 1972, и двапати ја освои Златната топка.

Во соопштението на неговото семејство за германската новинска агенција ДПА се вели: „Со длабока тага соопштуваме дека мојот сопруг и нашиот татко Франц Бекенбауер почина мирно во сон вчера, недела, опкружен со своето семејство. Бараме да дозволите да тагуваме во тишина и да се воздржите од поставување какви било прашања“.

Играјќи како играч од средниот ред, Бекенбауер го чуваше сер Боби Чарлтон во финалето на Светското првенство во 1966, во кое Англија победи со 4-2, пред да се префрли на неговата главна позиција како одбранбен чистач. Тој, исто така, постигна четири гола на Светското првенство во 1966, на само 20 години, и ја освои наградата за најдобар млад играч на турнирот. Играше 103 пати за Западна Германија.

Бекенбауер е еден од тројцата фудбалери кои го освоиле Светското првенство (како играч и како менаџер), заедно со Бразилецот Марио Загало и Французинот Дидие Дешамп. Како играч на Баерн, тој освои четири титули во лигата и беше капитен на трите победи на германскиот гигант во европските купови во 1974, 1975 и 1976 година. Тој ја освои и Бундес лигата со Хамбург.

„Семејството од Бундеслигата е потиштено од веста за смртта на Франц Бекенбауер. Вистинска икона, тогаш, сега и секогаш. Почивај во мир, Дер Кајзер“, стои во соопштението на лигата.

Бернд Нојендорф, претседател на Германскиот фудбалски сојуз, рече дека Бекенбауер е „еден од најдобрите играчи што нашиот спорт некогаш ги имал“.

Извор:https://sdk.mk