Светското првенство во Катар ќе биде последно што ќе се игра според моделот со 32 селекции кои се сместени во осум групи по четири, од кои најдобрите две одат во осминафиналето.

Овој модел е воспоставен во 1998 година во Франција, а од Светското првенство во 2026 година чекаме експеримент со дури 48 учесници.

Моделот за следниот турнир не е воспоставен, а има три идеи. Ова го соопшти директорот на Меѓународната фудбалска федерација (ФИФА) за развој на фудбалот и поранешен менаџер на Арсенал, Арсен Венгер.

– Сѐ уште не сме одлучиле, но размислуваме што би било најдобро. Ќе има ли 16 групи со по три репрезентации, 12 со по четири или две одделни натпреварувања со шест групи по четири селекции… Победниците од тие две конкуренции би играле финале, кое би го решавало светскиот шампион. Очекувам дека конечната одлука ќе биде донесена следната година – рече Венгер.

Во сите понудени формати јасно е дека за првпат ќе имаме шеснаесетфиналиња во нокаут-фазата. СП во 2026 година за првпат ќе се одржи во три земји: Мексико, САД и Канада.

RT @GFFN: Arsène Wenger on the format of the 2026 World Cup:

"It's not decided yet but it will be 16 groups of three, 12 groups of four or two sides of six groups of four, like if you run two tournaments of 24 teams."https://t.co/My6xgFlrEG

— Get Football (@GetFootballEU) December 5, 2022