• Иван Димовски
Еден од најамбициозните македонски суперлигаши, Охрид, го промовира големото засилување кое доаѓа директно од Бундеслигата, бидејќи потпис на договор стави Тилен Стрмљан.
Словенечкиот среден бек е повремен репрезентативец на „змајечки“, а крај езерото доаѓа од редовите на Хановер во една од најсилните лиги на светот. Стрмљан потпиша со охриѓани договор во важност до 2027 година, задолжувајќи го дресот со бројот „2“.
29-годишникот се очекува да биде огромно засилување за тимот кој од следната сезона ќе го води Борис Ројевиќ. Стрмљан својот ракометен пат го започна во Рибница, па играше за Херц, Рудар и Целје пред да се пресели во Бундеслигата.
За екипата на Хановер словенечкиот бек настапуваше во последните две сезони, а сега ќе тресе мрежи во дресот на Охрид.
