„Зошто сум јас распуштеница?“ – Анѓелка Прпиќ за првпат ги прокоментира озборувањата за нејзиниот развод
- Детали
- среда, 17 април 2024
„Зошто јас сум распуштеница, а разведениот маж не е ‘распуштенко’, туку зрел човек со две деца?“ - Анѓелка за првпат јавно прозборе за двојните аршини во општеството, но и за лошите коментари упатени до неа, кога се најде среде скандал со развод и афера.
Српската актерка Анѓелка Стевиќ Жугиќ, попозната како Прпиќ, во текот на изминатата година се најде среде скандал кога во јавноста одекна информацијата дека по разводот со првиот сопруг Дарио Прпиќ, започнала врска со неговиот најдобар пријател, Марио Жугиќ.
Анѓелка тајно се омажи за Марио и заедно ја добија ќерката Чарна, а тој редовно ја поддржува во работата, доаѓа на нејзините театарски претстави, но и на настаните каде што таа се појавува.
Додека скандалот беше топ тема во сите балкански медиуми, Анѓелка мудро молчеше и избегнуваше да зборува за тоа.
Но, неодамна во едно свое гостување даде изјава во која стави јасно до знаење дека не ѝ било сеедно додека ги слушала коментарите за случувањата во нејзиниот живот, но и за двојните аршини кои постојат во општеството.
„Зошто јас сум распуштеница, а разведениот маж не е ‘распуштенко’, туку зрел човек со две деца?
И сите обожаваат да ги видат (овие мажи) во паркот како си играат со децата, тоа е една прекрасна слика.
И не е само таа тема, туку ме интересира што е ‘второротка’?
Има татковци што се генијални родители, еве можам да кажам за мојот сопруг. Тој е толку посветен татко. Не можам да кажам дека сите (татковци) се добри и по два часа поминати со децата, но зошто не добиваат некој грд и неубав епитет?
Објаснете ми зошто јас сум ‘второротка’ и што тоа значи? И од друга страна, кога ќе кажеш ‘швалер’, зошто тоа звучи толку симпатично, а ‘швалерката’ не е?“ – прашува Анѓелка, а пренесе Blic.rs.
Таа вели дека негативните реакции се сосема очекувани и дека никој нема да ти рече: „Браво ќерко или сине“.
„Сосема очекувано е да добиеш реакции од типот: ‘Па почекај малку...’, ‘Застани...’, ‘Дали си сигурна?’, а да не речам дека најчесто слушаш: ‘Да не полуде?’, ‘Па зарем планираш тоа да ни го направиш?’“ – вели таа.
За потсетување, Анѓелка има две деца, синот кој го доби од бракот со Дарио Прпиќ и ќерката Чарна која ја доби со вториот сопруг Марио.
Во моментот кога се дозна за врската на Анѓелка со Марио, нејзиниот поранешен сопруг Дарио беше многу гласен со изјавите и јавно ги осудуваше затоа што не можеше да прифати дека неговата поранешна сопруга е во врска со неговиот најдобар пријател, кому требало да му биде кум.
Во меѓувреме, пак, Анѓелка конечно го избриша презимето на поранешниот сопруг, си го врати моминското и го додаде презимето на вториот сопруг, па затоа сега секаде се потпишува како Анѓелка Стевиќ Жугиќ.
Прочитајте и „Ако треба ќе им бидам кум“ - поранешниот сопруг на Анѓелка Прпиќ за нејзината бременост со неговиот најдобар пријател
Б. С. Б. | Црнобело
Би можело да ве интересира:
Препорачуваме
Најчитани неделава
