После ттрагедијата во Кочани, животот повеќе не е ист. Извадение се т.н, розови очила и како да јасно го гледаме распадот… Бараме виновници за оваа тешкотија, системот, тегоба… И додека скроламе на социјалните мрежи, наидовме на неколку цитати од познати македонски и светски автори кои веруваме ќе Ве замислат… А секако латентно и ќе ве РАЗБУДАТ!
„ОСМАНЛИИТЕ ЗАМИНАА, МУФТЕ СИСТЕМОТ СИ ОСТАНА НА БАЛКАНОТ!“ – ЛУАН СТАРОВА (2014)
„Ако чувствуваш болка, жив си. Ако чувствуваш туѓа болка човек си!“ – Толстој
„Или ќе ја извадиме од пеколот или и ние ќе влеземе во него!“ – Калеш Анѓа
„Не знам кај беше ова и не знам кога беше. Јас мислев во цвеќе ќе ја најдеме Македонија, а таа во казан клаена и сите ѓаволи играат околу неа!“ – Петре М. Андреевски
„Македонското име е едно од најгордите, најголемите, најхрабрите, но и најстрадалнички имиња низ историјата!“ – Анте Поповски
„Ете што е животот, рече Дуко Вендија, ништо не е. Пиши – бриши. Ќе пишуваш, пишуваш, рече, а смртта наеднаш се ќе ти избрише.“ – Петре М. Андреевски
„Нашиот очај само го куражи ѓаволот и непријателот!“ – Петре М. Андреевски
„Најстрашни се оние времиња кога самиот дом се претвора во туѓина, во џенем, во јабана.Кога човек е на своето огниште, а саштисан и отуѓен како змија да го полазила.Кога е внатрешно раселено лице. Кога „т’гата” не е поради отсуство туку поради присуство.Кога седи среде куќи, а не може да си ја препознае домата.“ – „Приказни од дивиот Исток” Горан Стефановски
„Мајките не се плашат од снег, од ништо не се плашат мајките…Проклет да бидам, мајките се без страв, имаат само еден страв, своите деца…” – Живко Чинго
„КАКО САМО ЗА НАС, МАКЕДОНЦИТЕ, ДА СЕ СОЗДАДЕНИ СИТЕ ЦРНИЛА НА ОВОЈ ВЕК.“ – КОЛЕ ЧАШУЛЕ
„Да ја докажуваш мудроста е како да докажуваш дека сонцето свети…“ – ВЕНКО АНДОНОВСКИ
„Ми пречи полтронството, чиновничката суровост, шупливите фрази, неработењето, лагата, глупоста… А тебе“ – Славко Јаневски
„КОЈ НИ ГО МАГЛИ МИНАТОТО, ЗА ДА НИ ЈА ЗЕМЕ ИДНИНАТА? “ – ПЕТРЕ М. АНДРЕЕВСКИ
„Јас сакам да бидам трошка што случаен минувач му ја фрла на питом гулаб, знаејќи дека ништо не е случајно.“ – ЈОСИП КОЦЕВ
„Да ни го водеа светов мајки, немаше толку лесно да се гине.“ – ДАРКО ЛЕШОСКИ
