Бродор Дали „изгубил контрола“ додека го напуштал пристаништето, а екипажот на бродот ги предупредил останатите за можната несреќа, објави Еј-Би-Си њуз, повикувајќи се на некласифициран извештај на американското разузнавање.

„Екипажот на Дали го известил Одделот за транспорт во Мериленд дека изгубиле контрола над бродот и дека е можен судир со мостот“, велат од американската Агенција за сајбер безбедност и инфраструктура.

Baltimore Bridge is 1.6 miles long,

this is the moment it collapsed after a cargo ship struck it in the early hours of this morning
pic.twitter.com/eA6womQlcI

— Science girl (@gunsnrosesgirl3) March 26, 2024

„Бродот удри во мостот и целосно се урна“, се вели во соопштението.

Професор по инженерство вели дека силата што би го предизвикала катастрофалниот колапс на мостот во Балтимор „мораше да биде огромна“. Професорката Барбара Роси рече дека потпорната конструкција на која удри бродот изгледа е направена од армиран бетон.

„Два бетонски столбови во форма на А над водата поврзани со хоризонтална греда формираат еден дел од подградбата, над водата. Силата на ударот мора да била огромна за да предизвика колапс на овие масивни бетонски конструкции. Оваа голема структура остана без една од нејзините клучни потпори“, рече таа.