ПОСКАПЕА НЕДВИЖНИНИТЕ ВО СЛОВЕНИЈА: Колку чини квадрат во Љубљана?
Објавено во: Економија 04 Април, 2025 19:37
Просечната цена на стан во главниот град на Словенија, Љубљана лани надмина 4.500 евра за метар квадратен.
На национално ниво, цените на становите во Словенија се зголемија за десет, а на земјиштето за дури 17 отсто. Минатата година бројот на продажби на недвижности опаѓа трета година по ред на словенечкиот пазар на недвижности, додека цените продолжија да растат. Намалувањето на продажбите се препишува на прогнозите на Владата за оданочување на недвижностите. Според податоците на Геодетската управа на Република Словенија, растот на цените на станбените недвижности и земјиштето за нивна изградба минатата година не бил толку изразен како рекордната 2022 година, но сепак е релативно висок, анализира Пословни дневник.
Просечната големина на продадените куќи била 161 квадратен метар, а просечната големина на земјиштето 700 метри квадратни. Во Љубљана за куќа со приложена парцела требаше да се платат во просек по 405.000 евра. За 15 до 20 отсто во Словенија е намален бројот на продадени станови во повеќестанбени згради лани, а бројот на продажби на станбени куќи за 10 до 15 отсто, се вели во извештајот за словенечкиот пазар на недвижности за 2024 година, што Управата за геодетски работи го објави вчера на својата веб-страница. Врз основа на сè уште привремениот број на евидентирани продажби за 2024 година, се проценува дека минатата година во Словенија се продадени околу 7.000 станови во повеќестанбени згради и околу 5.000 станбени куќи, со вкупна вредност нешто помала од 1,7 милијарди евра. Според неофицијални податоци, минатата година во Словенија биле склучени 24.000 до 25.000 договори за купопродажба на недвижен имот во вкупна вредност од 2,5 до 2,6 милијарди евра.
foto Wikipedia/Rok
Можеби ќе ве интересира
КИНЕСКИОТ ИЗВОЗ ДРАМАТИЧНО ПОРАСНАЛ ВО МАРТ - испораките се зголемија пред најавените нови царини од САД
ПОЕВТИНУВААТ ГОРИВАТА - се намалуваат дел од цените по полноќ, но не сите
ИНТЕРВЈУ СО ТОНИ СТОЈАНОВСКИ, ДИРЕКТОР НА НЛБ БАНКА: Стратешки приоритет на НЛБ Банка е до 2030 година да биде целосно дигитална банка
НАЈГОЛЕМА Е БРУТО ГОДИШНАТА ПЛАТА ОД 213.286 ЕВРА: Само еден отсто од вработените во Германија го заработиле тој износ
САМО ДВА ДЕНА ОТКАКО БЕА ИЗЗЕМЕНИ - Трамп повторно најавува царини за паметните телефони и за компјутерите
ЕУ би можела да ги укине царините за кинеските автомобили - под еден услов
Колку се заработува од управување со задолжителен пензиски фонд во Македонија? Едно од друштвата ќе подели 2 милиони евра дивиденда!
На еден од четирите автопати на Бехтел и Енка се уште не е почнато ништо да се работи
Германски медиуми: Мерцедес ги сели работните места во Унгарија
