Патување од 27.000 километри: Nissan ќе ја однесе Ariya на епско патување од Северниот до Јужниот пол / ВИДЕО
Модифицираното електрично возило ќе помине повеќе од 27.000 километри за време на патувањето, што ќе биде прво од таков вид за едно електрично возило
Nissan ја претстави модифицираната Ariya e-4ORCE која ќе тргне на епско патување од Северниот до Јужниот пол. Возач на автомобилот ќе биде британскиот авантурист Крис Ремзи, а сопатник неговата сопруга Џули Ремзи.
Модифицираното електрично возило ќе помине повеќе од 27.000 километри за време на патувањето, што ќе биде прво од таков вид за едно електрично возило. Модифицираниот автомобил целосно ќе биде претставен следниот месец, но веќе се знае дека ќе има подигнато тело и проширени лакови на тркалата за да се сместат поголеми гуми.
„Осмелувајќи се да се прави она што другите не го прават, Nissan и тимот на екстремни пионери со „Пол до Пол“ ги поместуваат границите на електричната мобилност, забрзувајќи кон почист, побезбеден и поинклузивен свет“, вели Клиодна Лајонс, регионален потпретседател за планирање на производи и услуги во Nissan.
„Со преземањето и завршувањето на оваа амбициозна експедиција, се надеваме дека ќе допреме и охрабриме за иста цел низ целиот свет, демонстрирајќи ја моќта на електричните возила и забрзувајќи го усвојувањето како дел од решението за намалување на глобалните емисии“.
Nissan почна да прима нарачки за Ariya во ноември 2021 година, а ја нуди во повеќе различни облици. Асортиманот започнува од 39.800 € за моделот Ariya Engage FWD 63 kWh, а вклучува и Venture+ FWD 87 kWh (43.502 €), Evolve+ FWD 87 kWh (46.267 €), Empower+ FWD 87 kWh (49.494 € Premiere FWD) 50,415 ), Engage e-4ORCE 63 kWh (43,502 евра), Engage+ e-4ORCE 87 kWh (47,189 евра), Evolve+ и e-4ORCE 87 kWh (49,995 евра). Врв во понудата е Platinum+ e-4,4ORCE (55.486 евра).