„По моја насока, Военото воздухопловство на Соединетите Американски Држави оди напред со првиот светски борбен авион од шеста генерација, број шест, шеста генерација, и ќе биде познат како Ф-47“, рече Трамп на заедничката прес-конференција со министерот за одбрана Пит Хегсет.
Трамп истакна дека експерименталната верзија на Ф-47 лета речиси пет години, а за производството ќе биде задолжен Боинг, пренесува Си-Ен-Ен.
„По ригорозен и темелен натпревар меѓу некои од најголемите американски воздухопловни компании, Воздухопловните сили ќе му доделат на Боинг договор за следната генерација на платформа за доминација на воздухот“, објави Трамп.
🇺🇸TRUMP'S SECRET F47 FIGHTER JET: “WE DON’T SHOW TOO MUCH”
— Mario Nawfal (@MarioNawfal) March 21, 2025
“This was a big secret. In fact, we don’t show too much of the plane for that reason."
The 6th-gen jet, built by Boeing, is now officially entering production.
Officials claim it surpasses every other aircraft on… https://t.co/DJ1D5wFHyP pic.twitter.com/QW5Enz52hK
Началникот на Генералштабот на воздухопловните сили, генерал Дејвид Олвин, го нарече авионот „крунски скапоцен камен во семејството на системи за доминација на воздухот од следната генерација“ што ќе помогне да се создаде „следната генерација на модерна воздушна војна“.
Кон крајот на минатата година, американските воздухопловни сили ја паузираа одлуката за производство, велејќи дека конечната одлука ќе биде на администрацијата на Трамп.
Програмата Следната генерација воздушна доминација (НГАД) е наменета за производство на борбен авион од шестата генерација на американската војска, понов и понапреден од Lockheed Martin F-35 Lighting II, кој претрпе големи пречекорувања на трошоците и доцнење.
Милијардерот Илон Маск го критикуваше F-35, наместо тоа се залагаше за беспилотни летала како поевтино и поефикасно оружје.
© Vecer.mk, правата за текстот се на редакцијата
