Кафеаните поскапеле 17% во споредба со лани, пресметала државната статистика
Цените на угостителските услуги во ноември годинава, во однос на истиот месец лани, се зголемени за 17.1 отсто, соопшти Државниот завод за статистика во последниот извештај.
Кумулативно, во периодот јануари-ноември годинава, во споредба со истиот период од 2021 година, цените се повисоки за 11.9%.
Во ноември годинава, пак, во споредба со претходниот месец, цените на угостителските услуги се зголемени минимално, за 0.1 %.
Споредено по групи на услуги, зголемување е забележано во групите Храна за 0.1 %, Алкохолни пијалаци за 0.5 % и Безалкохолни пијалаци за 0.1 %.