ИЗЛЕЗНОСТ ПО ОПШТИНИ: Како тече гласањето ширум Македонија?
Објавено во: Македонија 24 Април, 2024
Во Македонија се одржува првиот круг од претседателските избори.
Во Демир Капија до девет часот гласале 9.42 проценти на гласачи, својот глас го дале 302 лица со право на избор на претседателските избори, соопшти претседателот на демиркаписката општинска изборна комисија, Благој Јовановски.
Во Општина Чашка сите 31 избирачки места се отворени утрово во 7 часот, а правото на глас за избор на претседател на државата до 9 часот го оствариле 4,9 проценти од вкупно 6.076 гласачи на единствениот избирачки список, информира за МИА Марјан Јовановски секретар на ОИК Чашка.
Во Македонска Каменица во рамки на Претседателските избори 2024 денеска треба да гласаат 6.641 лица, кои се регистрирани во избирачкиот список. Гласачките места во оваа Општина биле отворени навреме, а гласањето се одвива без било какви проблеми. До 09:00 часот кога е направен првиот пресек за излезноста на граѓаните од Општинската изборна комисија соопштија дека 3,55 е процентот на граѓани кои го оствариле своето право на глас.
Непречено се одвива изборниот процес од првиот круг на претседателските избори во општините Дебар и Центар Жупа.
Според Рилинд Хаса претседател на ОИК-Дебар, до 9 часот правото на глас го искористиле 283 гласачи или еден отсто од вкупно запишаните 19.334 лица, колку што се запишани во единствениот Избрачки список.
Претседателот на ОК-Центар Жупа, Неџип Илјаз, информираше дека до 9 часот гласале 80 граѓани или 1,9 отсто од вкупно запишаните 7.383 лица со право на глас.
До 9 часот излезноста во Куманово е 3,02 проценти, во Липково 1,93 во Старо Нагоричане 3,98 проценти.
До 9 часот во Општина Тетово гласале 2301 лице или 3,2 отсто од вкупниот број на 86.405 гласачи за денешниот прв круг од гласањето за избор на претседател на државата. Во Општина Тетово се гласа на вкупно 117 избирачки места.
Во Битола до 9 часот гласале 4.55 отсто од избирачите.
На избирачките места во Општина Гостивар, до 9 часот на гласање излегле 1.959 гласачи, што е 2,41 отсто од вкупно запишаните гласачи.
Во Крива Паланка излезноста на гласачите во првите два часа од изборниот ден изнесува 9,54 отсто. Во Кратово излезноста е 6.85 отсто. Во Кавадарци одзивот е 5 отсто до 9 часот.
Можеби ќе ве интересира
ЕВЕ КАКО СЕ ПРЕМИНУВА БУЛЕВАРОТ КОЧО РАЦИН НАВЕЧЕР: Најдобро да си носите факел да не ве качи некој на хауба
„ТОА УБАВО ЧУВСТВО, КОГА ВО ЕЛЕНСКАТА РЕПУБЛИКА ЌЕ ПРОЧИТАШ НАТПИС -ДОБРЕДОЈДОВТЕ“: Доктор Беќаровски споениот викенд замина во Грција
„КАКО МОЖЕ ВО ИСТ ДЕН ДА СЕ РАКУВАШ СО ПАПАТА ПА ДА РАЗГОВАРАШ СО ЗЕЛЕНИОТ ЗЕЛЕНСКИ?“ Ванковска за активностите на Силјановска-Давкова
ЕВЕ КАКО МАКЕДОНЦИТЕ ВО ГРЦИЈА ГО ДОЖИВУВААТ ПРЕСПАНСКИОТ ДОГОВОР: „Вие нас не не прашавте“, пренесе Димовски
ФИЛИПЧЕ, СПАСОВСКИ, ПЕТРОВСКА, ДЕСПОТОВСКИ: Ова се имињата за кои се шпекулира дека ќе се кандидираат за претседателското место на СДСМ
„ОЧЕКУВАМЕ ЛЕВИЦА ЦЕЛОСНО ДА ГО ЗАЗЕМЕ ПРОСТОРОТ НА СОЦИЈАЛДЕМОКРАТИТЕ“: Мојсоска вели дека нивната партија е втора партија во неколку општини
„ЕВРОПСКИОТ ПАТ НА СЕВЕРНА МАКЕДОНИЈА, ПОМИНУВА НИЗ ГРЦИЈА“: Може да остане затворен случај ако не се почитува договореното, вели Мицотакис
СЕ ОГЛАСИ ИМЕРЛИЈЕ САЛИУ, ПРВАТА ПРАТЕНИЧКА СО ХИЏАБ ВО МАКЕДОНСКИОТ ПАРЛАМЕНТ: „Ајде сите да внесеме нов дух во политиката“
ЕВЕ ДО КАДЕ СЕ ПРЕГОВОРИТЕ ЗА НОВАТА ВЛАДА: За што разговараат ВМРО-ДПМНЕ и ВРЕДИ?
