Иако сè уште е во игра во Лигата на шампионите, зад Баерн Минхен е една од најслабите сезони во последните неколку години.

Уште на стартот баварските гиганти беа елиминирани во Купот, а титулата им ја одзеде Баер Леверкузен по 11 години владеење во Германија.

Без разлика како ќе заврши настапот на Баварците во ЛШ, Томас Тухел заминува на крајот од сезоната, а раководството на Баерн мора да најде нов тренер.

Чаби Алонсо јасно стави до знаење дека нема намера да го напушти Леверкузен, а приказната за Зинедин Зидан веројатно никогаш не била сериозна.

Германскиот „Скај“ носи сензационална вест, а станува збор за потенцијалното враќање на Јулијан Нагелсман по само една година на клупата на Баерн.

Изворот пишува дека Нагелсман нема ништо против да се врати, а договорот би требало да биде на три или четири години.