ВИДЕО | Eвертон славеше во градското дерби и драстично ги намали шансите за титула на Ливерпул
Eкипата на Евертон славеше победа со 2:0 во градското дерби против Ливерпул кој на тој начин полека ја губи трката за шампионската титула со Манчестер Сити и Арсенал.
Избраниците на Клоп се соочија со пад во одлучувачкиот дел од сезоната и сега титулата во Премиер лигата станува недостижна. Евертон сосема заслужено славеше во денешниот натпревар, а поведе со голот на Брентвајт во 27. минута. Конечните 2:0 ги постави Калверт Луин во 58. минута.
Ливерпул на четири кола пред крајот има три бода помалку од Арсенал, но и многу полоша гол разлика, Манчестер Сити има бод помалку од „црвените“, меѓутоа и два натпревари помалку.
Во останатите натпревари, Манчестер Јунајтед губеше од Шефилд на „Олд Трафорд“, но на крајот сепак славеше победа со 4:2. Кристал Палас со двата гола на Матета го победи Њукасл, Бормут со погодокот на Семејно го доби Вулвс на гости.