Македонскиот тенисер Горазд Србљак ги заврши мечевите на ИТФ фјучрс M25 турнирот во Куршумлијска Бања, Србија.

Србљак денеска во мечот од второто коло загуби од Бранко Ѓуриќ со 2:0 во сетови 6:3 и 6:2 за 92 минути игра. Ова беше втора победа за српскиот тенисер во меѓусебните мечеви против Србљак.

Во првиот сет Ѓуриќ направи предност со водството од 4:1 и 5:2 во гемови и сетот го заврши со 6:3, додека во вториот сет Србљак поведе со 1:0, но потоа следуваше серија од пет гема за ривалот и водство од 5:1.

До крајот на мечот двајцата тенисери освоија по еден гем и вториот сет заврши со резултат 6:2 во гемови.

Србљак е пријавен за настап и на следниот фјучрс турнир во Куршумлијска Бања, каде во квалификациите се пријавени заедно со него и Обрад Марковски и Шендрит Деари.