Никола Роквиќ пеш тргна кон Грција, мора да помине 1.150 километри
Српскиот пејач Никола Роквиќ тргнал денеска пеш кон Грција и треба да помине 1.150 километри, а сето тоа поради хуманитарната мисија што ја има.
Тој и неговата сопруга Бојана неодамна ја основаа „Фондација семејство“, а со цел да им помогне на оние на кои им е потребна помош, се одлучил на неверојатен чекор достоен за восхит. Никола треба да стигне до Егина, каде што ќе се поклони на Свети Нектариј Егински.
Никола пред заминувањето, со семејството го посетил храмот Свети Сава, каде се помолил.
– По овој пат одлучив да тргнам од љубов кон луѓето и се надевам дека ќе биде на радост на многумина, се надевам дека ќе биде за растење на многумина, се надевам дека ќе биде за помош на многумина. Првенствено, да им се помогне на многу семејства, на многу деца, но најважно да им помогнам на болните деца, поради што во голема мерка и го започнав ова патување. Покренавме фондација која ќе му помога на семејството, која ќе им помага на талентираните деца, на многудетното семејство, но и на болните деца – рекол Никола во храмот Свети Сава.
Инаку, неговата сопруга Бојана за спрски „Телеграф“ рекла дека сè ќе биде детално објаснето наскоро.