Во април 1912 година, светот беше сведок на една од најголемите поморски трагедии во историјата, потонувањето на гигантот меѓу бродовите, „Титаник“.

Американскиот аниматор Џаред Овен го претстави видеото – дигитален приказ на прочуениот брод од секој агол, точно онака како што изгледал пред да исплови од Саутемптон пред 112 години.

Во април 1912 година, светот беше сведок на една од најголемите поморски трагедии во историјата, потонувањето на гигантот меѓу бродовите, „Титаник“.

Овој луксузен и технички најнапреден брод во своето време, кој се сметаше за непотоплив, беше осуден на пропаст судрувајќи се со санта мраз во Атлантикот.

Пред точно 112 години, „Титаник“ со себе однесе повеќе од 1.500 животи, а неговата урнатина сè уште лежи на морското дно.

Денес, со помош на новите технологии, можно е детално да се погледне „Титаник“.

Имено, американскиот аниматор Џаред Овен пред една година верно го доловил бродот во својот дигитален приказ на „Титаник“.

– Сето ова е дизајнирано рачно, за мене тоа е неверојатен инженеринг и занаетска вештина – рекол Овен.

За да ги направи приказите, Овен користел многу извори, вклучително и „Нешенел џиографик“. Тој, исто така, се потпрел на програмата за креирање 3Д содржина за да ги оживее сите собрани информации.

Неговото видео ги прикажува сите 10 палуби на Титаник, вклучувајќи ја и палубата за чамци на самиот врв.

Дел од причината за недостатокот на чамци за спасување било и тоа што дизајнерите не сакале да ја преполнат палубата на бродот и да го попречат погледот на Атлантикот за патниците од прва класа.

Овен открива и некои тајни за дизајнот на бродот, вклучително и малку познатиот факт за четвртиот и последен легендарен оџак со црниот врв.

– Искористени се само три оџаци, четвртиот е додаден само за изглед – рекол Овен, а пренесува „Дејли мејл“.