Пред четири дена српскиот пејач Никола Роквиќ кај црквата Свети Сава во Белград се поздрави со своите најблиски, се помоли и пеш тргна на пат долг 1.060 километри до манастирот Нектариј Егински во Грција.

Никола редовно се огласува на својот Инстаграм од своето патување во Грција, а сега откри дека за неговата фондација се собрани три милиони динари за помош на детската онкологија, но тоа е само почеток на бројката потребна за оваа педијатриска установа, пишува „Блиц“.

„Драги луѓе, Господ помага. Еве ме денес сум околу 20 километри. Само да знаете дека стигнавме до три милиони динари и многу сум среќен! Ви благодариме за поддршката, одиме понатаму, овој пат е за детската радост! Ве бакнувам и ве сакам“, рече пејачот во своето обраќање.

Инаку, сопругата на Никола, Бојана, ги откри деталите од неговиот подвиг.

„Тој е навистина оптимист на почетокот. Досега има поминато околу 90 километри, со оглед на тоа колку поминува во текот на денот, а поминува околу 30 дневно, па можете и вие да го следите, тој всушност секојдневно се огласува на својот Инстаграм профил. И засега се чувствува навистина одлично, многу е возбуден, благодарен е на сите луѓе кои учествуваа, на компаниите, на сите кои се вклучени во фондацијата и нејзината мисија. Мислам, тој се подготвуваше за овој подвиг долго време, па сега е навистина физички и психички подготвен и го подготвија луѓе кои прават екстремни маратони, па тој веќе знае што може да направи и што го чека на ова негово патување. Но, некако верувам дека сигурно ќе биде тешко во одредени моменти, но верувам дека дури и кога физички телото може некако да ослабне, умот нема, а тоа е најважното“, рекла Бојана Роквиќ на „Блиц Јутру“.

„Ова е невиден подвиг, но не очекувавме таков одзив. Со моите деца тргнуваме на пат во сабота, ќе му се придружиме по пат. За време на Велигден ќе биде во Македонија, па ќе се сретнеме таму. Два дена ќе бидеме заедно, тоа е најважно и за децата и за него“, додала Бојана.

Никола Роквиќ пеш тргна кон Грција, мора да помине 1.150 километри