ПРОДОЛЖЕН ВИКЕНД ВО ГРЦИЈА ПА И ДА ВРНЕ: Македонците навалија кон соседите, еве како е на границите
Објавено во: Македонија 03 Мај, 2024
Празничниот продолжен викенд нашите сограѓани во голем број го користат за викенд прошетка кај соседите.
Вообичаено најголем интерес има за патување во соседна Грција, што и овој пат се покажа како омилена дестинација.
Брз преглед на видео надзорот на границите со соседите покажува дека на границата со грција има колони возила.
Сепак, официјалните служби велат нема подолги период за чекање.
- Сообраќајот на државните патишта се одвива непречено, пo влажни коловози.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево - соопштуваат од службите за следење на состојбите на патиштата низ земјава при АМСМ.
Но, еве како е по границите низ земјата:
Фото: Принтскрин/Јавно претпријатие за државни патишта