• Иван Димовски
Ракометарите на Алкалоид по елиминацијата на Баја Маре ќе играат во полуфиналето на Европскиот куп на ЕХФ. Следен ривал за тимот на Кирил Лазаров ќе биде норвешки Рунар, а двомечот ќе се одигра во втората половина на месец април.
Веќе се одредени и термините за натпреварите. Алкалоид прво ќе биде домаќин и ќе го пречека норвешкиот ривал на големиот празник Велигден во салата „Автокоманда“ во 19:00 часот. Седум дена подоцна скопскиот тим ќе гостува кај Рунар, а мечот на 27 април се игра во 17:00 часот.
- Термини за полуфиналниот двомеч во ЕХФ Купот:
Алкалоид - Рунар (20 април, 19:00 часот)
Рунар - Алкалоид (27 април, 17:00 часот)
Во второто полуфинале својот противник го очекува екипата на Извидач од Босна и Херцеговина, а тоа ќе биде Партизан или АЕК Атина.
