Не можат да се погледнат во очи: Вилијам и Хари ќе присуствуваат на настан во чест на Дијана, но во различно време
Принцот од Велс, Вилијам и војводата од Сасекс, Хари вечерва ќе присуствуваат на настан во спомен на нивната покојна мајка принцезата Дијана, но нема да се појават заедно во исто време.
Принцот Вилијам ќе одржи краток говор пред толпата во Музејот на наука во Лондон оваа вечер на годишните награди „Дијана легаси“ и ќе им додели награди на дваесет добитници, а Хари ќе се обрати преку видео повик од Калифорнија, дури откако неговиот брат ќе ја напушти церемонијата.
Нивното појавување на наградите беше внимателно планирано за да се осигура дека браќата нема да бидат во просторијата во исто време, дури и виртуелно, пишува „Лондон тајмс“. Како што пишува весникот, фактот што одбиваат да се појават заедно на церемонијата доволно говори за раздорот меѓу браќата и нивната врска.
Доделувањето на овие награди се одржува секоја втора година. Наградите им се доделуваат на „исклучителни млади поединци кои ја инспирираат следната генерација да ги следи стапките на Дијана и да направи позитивна разлика во светот“, се вели во соопштението на организаторите на настанот.
Вилијам и Хари претходно присуствуваа на наградите заедно, но бидејќи Хари ги напушти своите кралски должности за да започне нов живот во САД со своето семејство и објави книга во која жестоко го критикуваше кралското семејство, браќата не се во добри односи и повеќе не се појавуваат заедно.