Србија: Меѓугодишната инфлација во февруари изнесува 5,6 отсто

Меѓугодишната инфлација во Србија во февруари годинава изнесувала 5,6 отсто, а месечната 0,6 отсто, објави денеска републичкиот Завод за статистика.

Цените на производите и услугите за лична потрошувачка според кои се мери инфлацијата, во февруари во споредба со декември 2023 година, во просек биле зголемени за 0,9 отсто.

 Во однос на претходниот месец, во февруари раст на цените бил забележан во групата „алкохолни пијалаци и тутун“ ( 2 отсто), транспорт (1,9 отсто), ресторани и хотели ( 1 отсто), храна и безалкохолни пијалаци и здравје ( за по 0,4 отсто) и во групите „домување,“ „вода, електрична енергија, гас и остатанти горива“, „опрема за стан и тековно одржување“ ( за по 2 отсто).

 Поевтинување има кај облеката и обувките (1,1 отсто) и комуникациите ( 0,1 отсто)

 Извор: „Бета“

Фото: Pexels