Магдалена Стоилковска заедно со Русинката Екатерина Козлонова изборија пласман во полуфиналето на фјучрс тенискиот турнир во Куршумлијска Бања, Србија во конкуренција на двојки.

Македонско-руската комбинација во денешниот меч од второто коло забележаа победа од 2:1 во сетови (6:1, 0:6, 10-5 на поени) против Грете Гул и Ана Марија Тоттруп од Естонија за 56 минути игра.

Стоилковска и Козлонова го добија првиот сет со сигурни 6:1 во гемови, но во вториот сет беа убедливо надиграни и не освоија ниту еден гем.

Во решавачкиот сет на поени беше 10:5 за Стоилковска и Козлонова, кои клучната предност ја направија откако поведоа со 7:0 на поени.

В петок во полуфиналето противнички ќе им бидат вторите носителки Теа Лукиќ од Германија и Наталија Сениќ од Србија.