Како што пишува турски „Сабах“, џамијата Карие, која се наоѓа во центарот на Истанбул, по 79 години, денеска, 6 мај, официјално ќе биде отворена за верниците.

Како што е најавено, претседателот на Турција, Реџеп Таип Ердоган, ќе присуствува на церемонијата преку телеконференција од Анкара.

Kariye Museum, İstanbul, 1971
(Since 2020 the museum- originally Chora Church and then a mosque -was converted back into a mosque.) pic.twitter.com/ljoeycAmPs

— Letter from Turkey (@CNybak) December 16, 2023

Православната црква Хора или црквата на Христос Спасителот во полето, изградена во IV век, била претворена во џамија во 1511 година. Таа била претворена во џамија од Атик Али-паша, еден од големите везири на Бајазит, а оттогаш работи под имињата Атик Али-пашина џамија и Карије џамија. Мозаиците и фреските, кои се сметаат за врв на византиската уметност, потоа биле покриени со слој од гипс.

Before and after the Kariye Museum, which was converted into a mosque and restored last year. Source: Dionysos ile Kültür Seansı pic.twitter.com/f6rrovzbuK

— Anatolian Archaeology (@Anatolian2023) December 10, 2023

Со официјална одлука на властите, на 2 август 1945 година, зградата доби статус на музеј и беше една од најпосетуваните туристички атракции од византискиот период во Истанбул, заедно со Света Софија и Цистерна Базилика.

Пред четири години, со одлука на претседателот Ердоган, таа повторно беше префрлена во надлежност на Претседателството за верски прашања. Тогаш започна реставрацијата на овој значаен историски објект за верниците повторно да се помолат во него.