Хрватската музичка група „Парни ваљак“ ќе го премести закажаниот концерт во Скопје, кој требаше да се одржи на 18 мај во СЦ Јане Сандански.

Како што известуваат од продукцијата „Авалон“, кои се организатори на овој настан, причината за оваа промена се најавените реновации во спортскиот центар и не е загарантирано дека салата ќе биде во состојба за одржување на концертот.

Новиот датум за одржување на концертот е 30. ноември.

„Очигледно судбината сакала есен да е право време за концерт на Парни Ваљак во Скопје“, велат од „Авалон“.

Сите оние кои имаат набавено влезници за 18 мај, ќе можат истите да ги искористат за концертот на 30 ноември.

Оние кои имаат купено влезници онлајн и не се во можност да присуствуваат на новиот датум, можат да испратат барање за рефундација на влезниците на [email protected]., додека оние кои имаат купено влезници од некое од продажните места, потребно е да се обратат во истите за рефундација на средствата.

Комерцијален ПР текст