Во палатата Србија започна собирот на граѓани за пречек на кинескиот претседател Си Џинпинг. Бранковиот мост е блокиран и ќе го надлетуваат хеликоптери, пренесе Данас.

Кинескиот лидер беше пречекан од претседателот на Србија, Александар Вучиќ , а по повод оваа важна посета се беше организирано на највисоко ниво. Авионот на кинескиот претседател беше придружуван од ловци МиГ-29 од моментот кога влезе во воздушниот простор на Србија, а на белградскиот аеродром во негова чест беа построени гардата на војската на Србија и фолклорен ансамбл.

Си Џинпинг синоќа пристигна во Белград, а за неговата безбедност се одговорни речиси седум илјади полицајци.

По церемонијата на пречекот, предвиден е разговор меѓу двајцата претседатели, а потоа пленарна средба на делегациите на Србија и Кина, потпишување на заедничка изјава и размена на потпишани билатерални документи и договори.

Кинеската делегација брои околу 400 членови, а за време на посетата се планира да бидат потпишани над 30 договори. Посетата на Кси Џинпинг на Србија е втора во последните осум години.

Во 10 часот ќе се одржи и свечениот пречек во Палата Србија. Граѓаните веќе се собираат, се слуша кинеска музика, и има премногу метеж, јавуваат српските медиуми.

Погледнете го видеото тука. 

Си за време на посетата на Белград ќе се вози во својот автомобил „Хонгки седан“ . Овој рачно изработен луксузен автомобил, со кодно име N701 , чини 700.000 долари, направен е од ракетен оклоп, отпорен на куршуми, а содржи и систем кој штити од хемиско и биолошко оружје.