„Everything Everywhere All At Once“ ги собра речиси сите главни награди на 95-тото издание од престижната манифестација Оскар.
Филмот на Даниел Кван и Даниел Шајнерт се закити со седум статуетки, меѓу кои и наградата за Најдобар филм. За улогата во филмот, Џејми Ли Кертис ја освои наградата за Најдобра актерка во споредна улога, Ке Хуј Кван доби статуетка за Најдобар актер во споредна улога, а на Мишел Јео ѝ припадна честа да прими Оскар за Најдобра актерка. Мишел е првата Азијка која го добива ова признание. Режисерското дуо познато како „The Daniels“ победи во категоријата Најдобар режисер.
Брендан Фрејзер со солзи во очите ја прими веста дека е победник во категоријата Најдобар актер за „The Whale“, во кој има улога на морбидно дебел учител кој се срами од својот изглед.
Германскиот филм „All Quiet on the Western Front“ победи во четири категории, меѓу кои за Најдобар интернационален филм и за Најдобра кинематографија.
„Naatu Naatu“ од „RRR“ го доби Оскарот за Најдобра песна.
Целосната листа на номинации и победници можете да ја видите тука.
