Кошаркарите на Филаделфија 76ерс по продолжение го победија Њујорк Никс со 112:106 и засега избегнаа елиминација од плеј-офот.
Апсолутен херој беше Тајрис Макси, кој постигна 7 поени во последните 25 секунди од регуларниот дел од натпреварот и на крајот го заврши натпреварот со 46 поени носејќи ја Фила до победата.
76ерс заостануваа 6 поени на 28 секунди до крајот пред Макси да го оркестрира камбекот што ги разбуди сеќавањата на осумте поени на Реџи Милер за 9 секунди за Индијана Пејсерс во „Медисон Сквер Гарден“ во 1995 година.
Жоел Ембиид заврши со трипл-дабл од 19 поени, 16 скока и 10 асистенции за Фила, која ќе биде домаќин на шестиот натпревар в четврток навечер.
Во редовите на Њујорк одличен беше Џејлен Брунсон со 40 поени.
Донован Мичел постигна 28 поени, Еван Мобли го блокираше положувањето на Франко Вагнер во последните секунди, а Кливленд Кавалирс преживеа против Орландо Меџик и поведе со 3-2 во четвртфиналната серија на Источната конференција.
На Орландо не му помогна одличниот Паоло Банчеро со 39 поени, а солиден беше и Франц Вагнер со 14 поени.
Крис Мидлтон и Боби Портис постигнаа по 29 поени, а Милвоки Бакс ја победи Индијана Пејсерс со 115:92 во петтиот натпревар од нивната плеј-оф серија, намалувајќи ја негативата на 3-2.
Тајрис Халибартон постигна 16 поени за Пејсерс, Мајлс Тарнер додаде 13. Оби Топин, Арон Нембхард и Паскал Сјакам имаа по 12 украдени топки.
Резултати:
Њујорк Никс - Филаделфија 76ерс 106:112 прод. (2-3)
Кливленд Кавалирс - Орландо Меџик 104:103 (3-2)
Милвоки Бакс - Индијана Пејсерс 115:92 (2-3)