Регион

Вучиќ: Се плашам дека ситуацијата во светот годинава ќе биде многу полоша

Претседателот на Србија и член на Претседателството на Српската напредна партија (СНС) Александар Вучиќ денеска изјави дека Србија, без сомнение, е на вистинскиот пат, но дека е многу загрижен поради можното ширење на конфликти во Европа .

Претседателот на Србија и член на Претседателството на Српската напредна партија (СНС) Александар Вучиќ денеска изјави дека Србија, без сомнение, е на вистинскиот пат, но дека е многу загрижен поради можното ширење на конфликти во Европа и дека тој смета дека ситуацијата во светот годинава ќе биде многу полоша, објави Телеграф.

„Растеме економски, напредуваме со голема брзина. Може и повеќе, се разбира. Мора да работиме уште повеќе, да работиме уште подобро. Но дали земјата е на добар пат, нема сомнеж. Но, јас сум многу, многу загрижен, и зборував за ова уште во ноември 2021 година, зборував за можен конфликт во Европа. Потоа ми се смееја. Затоа се плашам дека ќе биде многу, многу, многу потешко време во светот“, рече Вучиќ на прес-конференцијата по седницата на Претседателството СНС.

Како што рече, ако се анализира што рече францускиот претседател Емануел Макрон за испраќање војници во Украина, имало речиси повеќе за отколку против.

Исто така, тој рече дека е многу лошо што денеска во Одеса паднала бомба во близина на местото каде што биле грчкиот претседател Киријакос Мицотакис и украинскиот претседател Володимир Зеленски.

Свет

Најмалку 14 лица загинаа во поплавите во Индонезија (ВИДЕО)

Најмалку 14 лица загинаа во поплави и одрони на индонезискиот остров Сулавеси, соопштија денеска локалните власти.

Силниот дожд што паѓа во областа од четвртокот предизвика лизгање на земјиштето во провинцијата Јужен Сулавеси, а беа погодени повеќе од 1.000 куќи, од кои 42 целосно се урнаа.

Екипите за пребарување и спасување ги евакуираат жителите со гумени чамци, изјави портпаролот на Националната агенција за управување со катастрофи, Абдул Мухари.

Македонија

СДСМ: Граѓаните да излезат на 8 ми мај и да гласаат, се работи за иднината на државата

Граѓаните треба масовно да излезат на изборите на 8-ми мај и да гласаат. Се работи за иднината на државата.

Дали ќе следи уште една лоша реприза од тоталитарното владеење на ДПМНЕ како она на Груевски и неговата криминална екипа, или заедно со СДСМ ќе имаме слободна, просперитетна и европска иднина.

Изборот е во рацете на граѓаните.

Со Мицкоски и ДПМНЕ ни следи враќање 20 години назад, изолација, уривање на слободата на медиумите, внатрешни поделби и оддалечување од европскиот пат. Тоа носи сериозни негативни последици кон иднината на Македонија.

СДСМ ги повикува сите граѓани, да излезат на гласање во среда, да го заокружат бројот 1 за претседателскиот кандидат, Стево Пендаровски и за кандидатските листи на СДСМ и Коалицијата за европска иднина.

Да не дозволат враќање на режимот во најава, да гласаат за европска иднина, за европски стандарди и вредности, за држава во која децата ќе сакаат да останат, се наведува во партиското соопштение.

Македонија

ВМРО-ДПМНЕ:ДУИ се обидува да поткупи гласачи дури и во верски објекти, секако одат во опозиција

ДУИ се обидува да поткупува гласачи дури и во верски објекти, залудни сценарија, секако ќе одат во опозиција.

Функционери на ДУИ се забележани дури и во места како Виница, Кочани, Берово, Делчево каде во верски објекти со полицајци се обидуваат да поткупуваат гласачи.

Со ова се обидуваат да освојат голем резултат, мислејќи дека така ВМРО-ДПМНЕ ќе мора да седне со нив, но се лажат.

ДУИ оди во опозиција и со тоа треба да се помират.

Залудно е и полнењето кутии. Примерите кои се нотирани во Липково, не им помогнаа во првиот круг, нема ниту сега во вториот.

Времето кога го купуваа гласот на народот завршува. Време е Македонија да ја вратиме на народот. Македонија повторно твоја!, се наведува во партиското сопштение.