Хрватска е рангирана на петтото место на листата со деца кои имаат прекумерна тежина и се борат со дебелина. Дури 35 отсто од децата на возраст од 8 години се со прекумерна тежина. Потрошувачката на свежо овошје и зеленчук во Хрватска е помала од просечната. Секое трето дете (32 проценти) секојдневно консумира овошје, а само секое петто дете (20 проценти) секој ден консумира зеленчук.

Ова е загрижувачко, а дел од проблемот може да лежи во фактот што некои родители ја купуваат љубовта на своите деца со слатки. За тоа зборува нутриционистот Весна Босанац, која наведува и примери.

Прва приказна: Пред некое време одржав предавање за исхраната на децата, наменето за родителите. А една мајка ми кажа дека кога ќе дојде сопругот дома од странство, каде што работи, носи еден куп слатки. Треба ли да кажам дека детето е дебело?

Друга приказна: Пред некој ден се возам во воз од Загреб за Сплит, со кој патуваше и мајка со своите деца. Мајката имаше најмалку 20 килограми прекумерна тежина, а едно од децата околу 10 килограми прекумерна тежина. Во Сплит ги пречека една госпоѓа и отидоа во пекарница да купат крофни со чоколадо и розов прелив. Во 22:30 часот, напиша д-р Босанец на својот профил на „Линкдин“.

„Наместо коментари и заклучоци, имам едно барање до вас. Не купувајте ја детската љубов со слатки. Ако сте родител што работи во странство, знајте дека децата повеќе се грижат за вас отколку за слатките. Поминувајте квалитетно време со нив кога сте заедно. Играјте, возете велосипед, играјте карти, одете на плажа, заедно измијте го автомобилот… Ако сте роднина чии деца се на гости летово, наместо да трошите пари на вишок слатки, искористете го времето за да одите на пат или посетете некоја локална атракција (аквапарк и сл.). Затоа што и дома имаат крофни, додека нивното уживање во аквапаркот ќе остане незаборавен спомен“, заклучила таа.

Извор