<span lang="MK" style="mso-ansi-language:MK">Американскиот
претседател Џозеф Бајден и првата дама на САД Џил Бајден минатата година
заработиле 619.976 долари, се наведува во даночниот извештај што денеска го
објави Белата куќа.</span>
<span lang="MK" style="mso-ansi-language:MK">„Претседателот
Бајден верува дека сите станари на Овалната соба треба да бидат отворени и
искрени со американскиот народ“, се вели во соопштението на Белата куќа, според
Си-Ен-Ен.</span>
<span lang="MK" style="mso-ansi-language:MK">Бајден додаде
дека „треба да се продолжи долгогодишната традиција на објавување
претседателски даночни пријави на годишно ниво“.</span>
<span lang="MK" style="mso-ansi-language:MK">Најголем дел од
приходите на Бајденови доаѓаат од платата на американскиот претседател од
400.000 долари, заедно со пензиите, а првата дама заработила и 85.985 долари од
нејзината позиција како професор на колеџот Северна Вирџинија.</span>
<span lang="MK" style="mso-ansi-language:MK">Белата куќа ја
објави и даночната пријава на американската потпретседателка Камала Харис и
нејзиниот сопруг Даг Емхоф, во која се наведува дека парот минатата година
заработил 450.299 долари.</span>