• Горан Упале
Славниот кошаркар на Голден Стејт Вориорс, Стеф Кари, во живо го следеше натпреварот меѓу Лос Анџелес и Интер Мајами, кој заврши со победа на домашниот тим од 1-0.
Кари дојде да го гледа Аргентинецот Лионел Меси, со кого се познаваат од 2015 година. Двајцата мајстори во своите спортови си разменија дресови, комплименти, а исто така си ги имитираа прославите.
They just showed Steph Curry on video board. The Los Angeles crowd boo’d, Steph boo’d back. All is well. @LAFC pic.twitter.com/Q0o4rNsYBY
— Maximiliano Bretos (@MaxBretosSports) April 3, 2025
Режисерот го покажа во кадар Кари во 29. минута од натпреварот, на што публиката не реагираше позитивно. Првенствено поради ривалството со Лејкерси, појавувањето на Кари на екранот наиде на свирежи, а Кари не го прими лошо овој гест и на шега им возврати на навивачите.
Гестот на домашните навивачи во Лос Анџелес може да се протолкува како „топло добредојде“ на Кари во градот пред вечерашното калифорниско дерби меѓу Лејкерси и Вориорси.
