Губењето на апетит може да се јави како симптом на развиена фаза на карцином или како непожелна реакција од лекувањето на рак. Луѓето кои немаат апетит повеќе од неколку дена обично прво се соочуваат со губење на килограми, а недоволен внес на храна понатаму предизвикува чувство на слабост и умор што може да влијае на квалитетот на живот и способноста за вршење на обичните секојдневни активности.

Развојот на овие 7 карциноми може да биде причина за губење на апетит

Губењето на апетит е симптом на доцна фаза на рак на желудникот. Обично губењето на апетит се поврзува со развојот на карцином на желудникот и тоа не како симптом кој предупредува за појава на рак туку како знак на развиена фаза на туморот. Симптомите на карцином на желудникот обично се благи во раните фази и често се погрешно се поврзуваат со други состојби. Но, како што ракот се шири и станува сè понапреден, се јавуваат сè повеќе симптоми. Рак на желудникот во рана фаза не може да предизвика симптоми или лошо варење и непријатност во стомакот. Но, како што туморот напредува, симптомите на подоцнежна фаза може да бидат:

• Крв во столицата

• Мачнина и повраќање

• Горчливост

• Чувство на силна ситост по јадење мала количина

• Губење на апетит

• Ненамерна загуба на тежина

• Жолтица

• Проблеми со голтање

• Болка во стомакот

• Оток на абдоменот

• Умор

• Слабост

Многу од овие симптоми може да изгледаат како да имаат врска со рефлукс на киселина или чир на желудникот.

Што предизвикува губење на апетит кај пациентите со рак?

Губењето на апетит е честа, а понекогаш и сериозна непожелна реакција на лекувањето на ракот. Без разлика дали човекот никогаш не чувствува глад или е сит и по само малку храна, ова е симптом кој не би требало да се игнорира. Доколку личноста почне да губи апетит важно е да се одржува калорискиот внес и треба да се направи сè што е можно за да се осигури дека телото добива хранливи материи кои му се потребни за борба против болеста и заздравување.