На македонските фудбалски терени денеска се играа натпреварите од ПМФЛ.

Екипата на Шкупи со голем пресврт и гол во седмата минута од судиското продолжение успеа да слави над Тивкеш со 3:2 и така ја задржа лидерската позиција.

Чаирскиот тим се намачи да дојде до трите бода бидејќи гостите од Кавадарци прикажаа одлична игра и направија пресврт, но на крајот сепак попуштија. Херој на чаирскиот тим беше Дуду кој го постигна голот во продолжението. Претходно Аворно во 86. минута изедначи на 2:2. Воша во 39. минута стрелаше за водсво на Шкупи, а Тиквеш до 2:1 дојде со двата гола на Спахиу во 53. и 82. минута.

Со пресврт и тоа од 0:2 до 3:2 денес победи и Силекс против актуелниот шампион Струга Триум. Шкендија во својот натпревар денеска лесно го совлада Гостивар со 4:1 и така го искористи киксот на Струга, а ќе тетовчани ќе беа најголеми победници во 29. коло ако „кикснеше“ и Шкупи против Тиквеш.

Вардар влезе во црна серија и го претрпе својот трет пораз во низа. Денеска Брера беше подобра од црвено-црните со 0:2, а двата гола за струмичкиот тим беа дело на екс-вардаровиот играч Матеј Цветановски.

Во последниот натпревар Работнички и Македонија Ѓорче Петров ремизираа 1:1.

ТАБЕЛА: Струга 58, Шкупи 58, Шкендија 55, Силекс 41, Тиквеш 39, Брера 37, Гостивар 37, Работнички 35, Воска 34, Вардар 29, Македонија ЃП 26, Брегалница 26.