Штип УГД тргнува во одбрана на титулата во Одбојкарскиот Куп на Македнија – финалниот турнир се одржува во Радовиш од 3 до 5 април.

Одбојкарите на Штип УГД се враќаат на моментот кога практично започнаа еден извонредно успешен период на настапи во домашното првенство. Тоа секако е освојувањето на Купот на Македонија лани во Штип, со триумфиот над најголемиот ривал, Струмица. Годинава, завршницата на Одбојкарскиот Куп се игра во спортската сала „25 мај“ во Радовиш, од 3 до 5 април

Штипските одбојкари одбраната на титулата ќе ја започнат со полуфиналниот дуел со Работнички, во четврток, 3 април во 16 часот. Во вториот полуфинален дуел се среќаваат Струмица и Борец, во 19 часот. Финалето се игра во сабота, 5 април со почеток во 19 часот.

Во овие три дена Радовиш е домакин и на финалето на Купот во женска конкуренција, каде во полуфиналето играат Наковски Волеј – Фит Фан Волеј (петок, 4 април, 16 часот) и Работнички – Јанта Волеј (петок, 4 април, 19 часот). Женското финале е во сабота, 5 април од 16 часот.